apna apna samay bata rahe hain
hum talluq kahan nibha rahe hain

wo bhi sab aap ka diya hua tha
ye bhi hai aap ka jo kha rahe hain

so rahe hain kisi ke pahlu mein
aur tera khwab gunguna rahe hain

us ke chehre se subh uthai hai
us ki aankhon se shab chura rahe hain

dad wo de nahin rahe hain magar
mere sheron se haz utha rahe hain

wo gali se guzar rahi hai 'wasim'
mujh ko ghar mein khayal aa rahe hain