apne se gurezan kabhi aghyar se barham manind bagulon ke hain ab garm-e-safar hum phirte hain tere shahar mein be-yar-o-madadgar gard-e-rah-e-manzil ki tarah khak-ba-sar hum wo raat kisi taur jo kate nahin katti wo raat bhi karte hain kisi taur basar hum allah ri wamandagi-e-qafila-e-sham baithe rahe ta-subh sar-e-rah-guzar hum kandhon pe uthae hue ek tohmat-e-yaran jate hain su-e-dar jhukae hue sar hum phulon ki kabhi baat sitaron ka kabhi zikr karte hain tujhe yaad ba-andaz-e-digar hum phir dil ne pukara hai usi shoala-nafas ko jo ruh ki taskin hai aur zakhm ka marham ye jabr-e-mashiyat tha ki dekha kiye barson andaz-e-shab-e-tar mein aasar-e-sahar hum husn-e-lab-o-gesu ko diya hum ne naya nam aalam se juda rakhte hain andaz-e-nazar hum ye kawish-e-afkar mata-e-dil-o-jaan hai rakhte hain agar kuchh to yahi naqd-e-hunar hum