chaman hai kaisa ye kaisi bahaar hai saqi lahu se sehn-e-chaman lala-zar hai saqi ye chira-dasti-e-ahl-e-junun maaz-allah qaba-e-lala-o-gul tar tar hai saqi hai zad mein aatish-o-ahan ki shahr-e-ramish-o-rang udas sham sahar sogwar hai saqi ye zakhm zakhm badan aur ye sokhta lashen ajib marhala-e-gir-o-dar hai saqi ye kya sitam hai ki qatil hai surakh-ru lekin hua jo qatl wahi sharmsar hai saqi na jaane mausam-e-gul ka shabab kya hoga agar ye aamad-e-fasl-e-bahaar hai saqi baja ki waqt taghayyur-pazir hai har dam magar hayat ka kab e'tibar hai saqi