ba-nam-e-paikar-khaki na gard ban jao
miyan-e-shahr na sahra-naward ban jao

bagula ban ke utho baith jao ban ke ghubar
bikhar ke hasil-e-sahra-e-gard ban jao

hai ijtima-e-anasir se zindagi ki numud
aur iqtaza-e-qaza fard fard ban jao

rag-e-hayat ko garmao garmi-e-khun se
ye kya ki waqt-e-amal jism-e-sard ban jao

nigar-khana-e-hasti ka sath do 'raunaq'
khushi ke samne taswir-e-dard ban jao