be-sabab bhi raqib hote hain
log kitne ajib hote hain

tu jinhen khud bhi yaad karta hai
aise bhi khush-nasib hote hain

un ke jitna qarib jata hun
wo bhi itne qarib hote hain

jo tujhe yaad karte rahte hain
wo mere bhi habib hote hain

kuchh tujhe bhi samajh nahin pate
aise bhi bad-nasib hote hain

sab aisi nahin mila karte
kuchh to khali salib hote hain

jab bhi yaaden teri satati hain
jage jage nasib hote hain