bistar par bechain nirasha ke silwat silwat jage tanhai ki ram-duhai hum karwat karwat jage koi saya koi khushbu koi sada koi dastak ummidon ki sej sajae hum aahat aahat jage pit ke mithe madhur manohar bol liye aata hai koi sanjh ka tila bola khidki darwaze chaukhat jage bhor hui to dhire dhire giton ke sae ubhre gagar gagar kangan khanke soe hue panghat jage bansi ki mahkar udi to 'rahmani' ji ne dekha lila-darshi aankhen chamkin ghunghat ghunghat pat jage