bite lamhon ko dhundhta hun main
titliyon ko pakad raha hun main

jaane wale mujhe bhi le chal sath
qaid-e-hasti mein mubtala hun main

ek taraf soch ek taraf ehsas
do girohon mein bat gaya hun main

jabr aaghaz jabr hi anjam
tujh se khaliq mere khafa hun main

jab se tere qarib aaya hun
khud se bhi dur ho gaya hun main

tu meri maut ko haram na kah
teri khatir to mar raha hun main

sang-e-rah ban ke rok lunga tujhe
teri aadat samajh gaya hun main