chain ab mujh ko tah-e-dam to lene dete tere fitne kahin aaram to lene dete aap ne is ka tadapna bhi gawara na kiya dil-e-muztar se koi kaam to lene dete maut bhi bas mein nahin hai tere majburon ki zindagi mein koi ilzam to lene dete pal mein manzil pe uda lae fana ke jhonke lutf rah rah ke bahar-gam to lene dete hath bhi teri nigahon ne uthane na diya dil-e-betab zara tham to lene dete 'saif' har bar ishaaron mein kiya us ko khitab log us but ka mujhe nam to lene dete