chandni apne sath lai hai teri surat mein raat aai hai khud mein ab khud ko main nahin milta is qadar mujh mein tu samai hai ek din jism chhod jaegi ruh apni nahin parai hai nahr mein saf kuchh bhi dikhta nahin aaj pani pe kitni kai hai tujh ko khat bhi likhe hain khun se aur teri taswir bhi banai hai sar khule aayaten hain rabb-e-jahan tu kahan hai kahan khudai hai is zamin se ai aasman wale ab utha le hamein duhai hai