charaghon ke bujhane ko hawa be-ikhtiyar aai
gulabon ki mahak bikhri to aawaz-e-sharar aai

bagulon ne safar mein aandhiyon ka aasman dekha
magar ek fakhta apne shajar tak be-ghubar aai

jise tu ne ujala jaan kar chehre pe likkha tha
wahi shohrat teri ruswaiyon ke ham-kanar aai

andheron mein mujhe khud ek sitara dhundne aaya
ki shahr be-hunar se ek sada-e-e'tibar aai

meri aankhon mein jitne rang the sab jal gae 'jazib'
magar wo mujh se milne jab bhi aai be-qarar aai