daman se apne jhad ke sahra-e-gham ki dhul
aao chalo na hum bhi chunen sarkhushi ke phul

aakhir ko mil saki na bashar ko rah-e-najat
yun to har ek daur mein aate rahe rasul

daman bacha ke aaiyo mere mazar tak
ai jaan-e-nau-bahaar uge hain idhar babul

dekha kabhi jo dahr ko shair ki aankh se
khallaq-e-kaenat bhi sadiyon raha malul

aaega koi jam mai-e-sarkhushi liye
ai dil kuchh aur der hindole mein gham ke jhul