dard ke samne daulat nahin dekhi jati
jang mein sirf ghanimat nahin dekhi jati

sar mein sauda ho to fursat nahin dekhi jati
dil ke kaamon mein suhulat nahin dekhi jati

naqd-e-jaan bech di hum ne tere wade ke ewaz
mal achchha ho to qimat nahin dekhi jati

sochna mat kabhi anjam sar-e-rah-e-talab
daman-e-tegh pe qismat nahin dekhi jati

hum se chup rahne ki bil-farz khata ho bhi jae
daman-e-harf pe tohmat nahin dekhi jati