dhul se rah ati ho gai manzil madum kya khabar kya hai mere azm-e-safar ka maqsum jism aaluda-e-isyan hai magar ruh meri kitni pakiza nazar aati hai kitni masum dhundh kar lao koi hadisa-e-qalb-o-nazar shayad aaina ho yun zist ka makhfi mafhum tere paikar ki jhalak daulat-e-alam warna rang aur nur ke is sail ki waqat malum surat-e-harf-e-ghalat mit gae hum ta ki sada lauh-e-duniya pe rahe nam tumhaara marqum jurat-e-jaur-o-sitam kab thi kisi mein 'nazish' khud mere hathon rahi hai meri hasti mazlum