did ka israr musa lan-tarani koh-e-tur
hum ne aankhen band kin aur aa gae tere huzur

ab hinai dast ki hongi ijara-dariyan
aankh mein shabnam jabin ke nur mein rang-e-shuur

baat karna mausam-e-barsat ki pahli jhadi
muskura ke dekhna qaus-e-quzah ka hai zuhur

phul basti mein chalen ham-joliyon ka sath hai
shahron shahron badh gaya hai sang-zadon ka futur

pesh-e-khidmat hai ye apni baat apna iddaa
dekhna harf-e-sukhan par kis ko hasil hai futur