dil samundar tha lekin ye tishna-labi
meri qismat mein kis roz likkhi gai

aankh pur-nam magar muskurahat meri
kah rahi thi kahani mere ishq ki

ishq ke sail ko rokne ke liye
gham ki diwar raste mein rakh di gai

zulmaten sah gaya main isi aas par
chand nikla to jaegi tira-shabi

dilruba shahr ke kuchh se kuchh ho gae
meri manzil musalsal wahi ki wahi

khar chubhte gae khar chunta gaya
tha parastar-e-gulzar aakif-'ghani'