dil sulagta hai na ab yaad koi aati hai
gard si hai jo khayalon pe jami jati hai

dur pedon se ulajhti hai har aandhi lekin
zard patton ko mere ghar mein utha lati hai

karne aati hai munawwar dil har gosha-e-dard
chandni shahar ki galiyon mein bhatak jati hai

dil ka barbaad jahan jab bhi kabhi dekhta hun
apne nakaam iradon pe hansi aati hai

wo hai kis des mein kis shahr mein hun main 'jamshed'
bas isi soch mein har raat guzar jati hai