ek barf ka dariya andar tha
dahka hua suraj sar par tha

nafrat ke shoale dahakte the
ek khauf ka aalam ghar ghar tha

har dil mein the khadshat kai
har lamha dahshat-manzar tha

zahir mein lagta tha mom ka wo
chhu kar dekha to patthar tha

naghme likhta tha ashkon se
aisa bhi ek sukhnawar tha

jo haar ko jit bana deta
kya koi aisa sikandar tha

hansta rahta tha wo gham mein
gham ka wo shayad khugar tha