ek nafas nabud se bahar zara rahta hun main
gum-shuda chizon ke andar lapata rahta hun main

jitni baaten yaad aati hain wo likh leta hun sab
aur phir ek ek kar ke bhulta rahta hun main

garm-joshi ne mujhe jhulsa diya tha ek din
andarun ke sard-khane mein pada rahta hun main

kharch kar deta hun sab maujud apne hath se
aur na-maujud ki dhan mein laga rahta hun main

jitni gahrai hai 'adil' utni hi tanhai hai
bas ki sath-e-zindagi par tairta rahta hun main