gareban hath mein hai panw mein sahra ka daman hai
bas ab panw hain apne aur sar-e-khar-e-mughilan hai

hawa-e-dasht-e-wahshat hum ko le udti hai basti se
hamara unsur-e-khaki magar reg-e-bayaban hai

sabaq ko dekhta hun raat bhar aur phir ulajhta hun
mutawwal mukhtasar wo sharh-e-sher-e-zulf-e-pechan hai

jalata hai ye parwanon ko wasf-e-shoala-ruyan se
zaban-e-khama bhi ab to zaban-e-sham-e-sozan hai