gaya ki sail-e-rawan ka bahaw aisa tha
wo ek khwab jo kaghaz ki naw aisa tha

kisi ko bhi na tha aasan sans ka lena
meri zamin pe hawa ka dabaw aisa tha

lahu ki dhaar salamat rahi na sans ka tar
mujhe jo kat gaya wo kataw aisa tha

wo timtimata to us ki ziya bhi kam padti
kisi diye se lahu ka lagaw aisa tha

wo ek tha jo mujhe chaar-su dikhai diya
main jang haar gaya hun ki daw aisa tha

mujhe to laj ke ujle libas mein wo badan
gulab barf mein jaise chhupao aisa tha

bane hain nag mere ban mein ped jitne the
lagi hai aag saba ka subhaw aisa tha