gulon ke jism pe rangon ki tazgi dekho hawas ki tez nigahon mein tishnagi dekho hai aasman pe tari muhib sannata zamin ki god mein fitrat ki naghmagi dekho takhaiyyulat ka dariya na tut jae kahin hawa ke dosh pe sahra ki tishnagi dekho ye meri tarz-e-bayan ka kamal hai yaro hujum-e-fikr-o-nazar ki shikastagi dekho khile hain bagh mein 'jami' bahut gulab magar khud apne zauq ke gul ki shaguftagi dekho