haalat ab to itne dushwar ho gae hain hum nim-shab mein akasr bedar ho gae hain jo log sada-dil the purkar ho gae hain ab aadmi ke rishte dushwar ho gae hain ye zindagi ki neamat kis ko nahin hai pyari mat puchh is se hum kyun bezar ho gae hain usrat mein jin ka shewa kal tak tha khud-faroshi daulat ke milte hi wo khuddar ho gae hain dushman ko ho gaya hai andaza kuchh hamara dushman se hum bhi lekin hoshyar ho gae hain matam nahin munasib ab jaan ke jahan ka dasht-e-talab ke raste hamwar ho gae hain