hain ab to hile-bahane ke qil-o-qal ke din

hain ab to hile-bahane ke qil-o-qal ke din
bhula ke rakh diye tu ne meri majal ke din
ki dukh ne kucha-e-shab par kar liya shayad
tulua hone lage is liye malal ke din
har ek lafz pasheman pas-e-ghubar-e-sukut
jawab ki wo hon raaten ki phir sawal ke din
charagh-e-saut-o-sada aaj kuchh munawwar hai
visal-e-shab ke qarin hain mere ghazal ke din
ye intizar ki ghadiyan ye shab ka sannata
us ek shab mein bhare hain hazar sal ke din