hairat hai ki jo zulm se taqdir banaen kuchh log unhen sahab-e-tauqir banaen ek khwab mein rakhen koi guzra hua lamha ek khwab se aainda ki tabir banaen patthar pe karen naqsh tere hijr ka qissa pani pe tere wasl ki taswir banaen shayad kisi zindan se nikle nahin ab tak ye log jo kaghaz pe bhi zanjir banaen ek bar agar bab-e-sukhan hum pe bhi khul jae us shakhs ko bhi mo'taqid-e-'mir' banaen