haqir khak ke zarre the aasman hue wo log jo dar-e-jaanan ke pasban hue shuda-shuda wahi gulshan ke hukmaran hue jo khar pi ke gulon ka lahu jawan hue hum aise ahl-e-junun par hanse na kyun duniya ki sar kata ke samajhte hain kaamran hue ye kam nahin ki bujhai hai pyas kanton ki bala se rah-e-wafa mein lahuluhan hue gulon ne aabla-pai ki koi dad na di chaman mein khar hi chhaalon ke mezban hue kiya jo bhul ke dil ne khayal-e-tark-e-wafa hum apne aap se kya kya na bad-guman hue