har chand zakhm zakhm darida-badan rahe
gul-rang teri yaad ke sab pairahan rahe

dekha tujhe to rang pas-e-rang thi nazar
ye silsile bhi dil ke chaman-dar-chaman rahe

pahron tasawwuraat ki mahfil saji rahi
pahron tere khayal se mahw-e-sukhan rahe

zauq-e-junun pe tang rahin dil ki wusaten
kis dasht ki talash mein shorida-tan rahe

har chand thin khamosh mere dil ki dhadkanen
diwar-o-dar ko yaad tere sab sukhan rahe