har qadam champai phulon ke khilane wale gum na ho jaen teri rah mein jaane wale phir bade zor se darwaza koi band hua phir kaha dil ne abhi aaenge aane wale umr-bhar dhundte-phirte rahe apni aawaz teri aawaz mein aawaz milane wale chand thahra sa hawa band si patte chup se so rahe ja ke kahin pyar jagane wale aur agar main ne tujhe dekhna chaha hi na ho munh udhar pher ke ai aankh churane wale kya koi mere siwa mil na saka mera harif meri gardan mein mere hath pahnane wale wo bhi majbur hai ai ashk' sune kis kis ki ek sunne ko to lakhon hi sunane wale