hawas ko hai nashat-e-kar kya kya
na ho marna to jine ka maza kya

tajahul-peshgi se muddaa kya
kahan tak ai sarapa naz kya kya

nawazish-ha-e-beja dekhta hun
shikayat-ha-e-rangin ka gila kya

nigah-e-be-mahaba chahta hun
taghaful-ha-e-tamkin-azma kya

farogh-e-shola-e-khas yak-nafas hai
hawas ko pas-e-namus-e-wafa kya

nafas mauj-e-muhit-e-be-khudi hai
taghaful-ha-e-saqi ka gila kya

dimagh-e-itr-e-pairahan nahin hai
gham-e-awargi-ha-e-saba kya

dil-e-har-qatra hai saz-e-anal-bahar
hum us ke hain hamara puchhna kya

muhaba kya hai main zamin idhar dekh
shahidan-e-nigah ka khun-baha kya

sun ai ghaarat-gar-e-jins-e-wafa sun
shikast-e-shisha-e-dil ki sada kya

kiya kis ne jigar-dari ka dawa
shakeb-e-khatir-e-ashiq bhala kya

ye qatil wada-e-sabr-azma kyun
ye kafir fitna-e-taqat-ruba kya

bala-e-jaan hai 'ghaalib' us ki har baat
ibarat kya ishaarat kya ada kya