hazar hadsat-e-gham rawan-dawan liye hue kahan chali hai zindagi kashan kashan liye hue mere nasib ki ye zulmaten na mit sakin kabhi koi guzar gaya hazar kahkashan liye hue ye zindagi badalte mausamon ka rang-rup hai kabhi bahaar ka saman kabhi khizan liye hue mera ye karb hai ki mera karwan guzar gaya simat ke rah gaya hun gard-e-karwan liye hue agar wo jaan-e-arzu mile to us ki nazr ho khada hun kab se muntazir main naqd-e-jaan liye hue mere waqar ka sawal tha main kuchh na kah saka guzar gae wo rahaton ka ek jahan liye hue kisi bhi zawiye se 'arsh' is ko dekhiye magar qadam qadam pe zindagi hai imtihan liye hue