hum ahl-e-dil bhi agar fikr-e-jaan-o-tan karte

hum ahl-e-dil bhi agar fikr-e-jaan-o-tan karte
to log husn pe izhaar-e-husn-e-zan karte
bhatak rahi hain khizan dida khar-o-khas ki tarah
wo kam nazar jo chale the chaman chaman karte
bahaar kab thi tera aaina ki diwane
qaba-e-gul ki tarah chaak pairahan karte
sanwarta na koi teri zulf-e-mushkin ko
jo hum bhi pairwi-e-ahu-e-khutan karte