hum apni jagti aankhon mein khwab le ke chale wo kya sawal the jin ke jawab le ke chale pahan li karb ki poshak rah-e-hasti mein hum apne waste khud hi azab le ke chale ye aur baat ke jugnu asir kar na sake hatheliyon pe magar aaftab le ke chale waraq waraq pe sajai hai khun ki tahrir ki sher sher naya intikhab le ke chale jidhar jidhar se bhi guzre bichha diya sailab hum ashk le ke chale ya chanab le ke chale unhi ke hath 'munawar' lahuluhan hue jo log mere chaman se gulab le ke chale