hum zindagi-shanas the sab se juda rahe basti mein haul aaya to jangal mein ja rahe kamre mein mere dhup ka aana ba-waqt-e-subh aankhon mein kash ek hi manzar basa rahe phir aaj mere dard ne mujh ko mana liya koi kisi aziz se kab tak khafa rahe kab tak kisi padaw pe wahshat kare qayam kab tak kisi ke hijr ka saya ghana rahe baba ye mujh haqir ko itni badi dua tu baat ka dhani hai tera qad siwa rahe 'shahpar' sada-e-waqt se kar lo musalahat mahrumiyon ke dar pe koi kyun pada rahe