husn se rasm-o-rah hone do
zindagi ko tabah hone do

us ki rahmat ki rah hone do
fard-e-isyan siyah hone do

manzil-e-husn khud qadam legi
ishq ko rad-ba-rah hone do

us ki rahmat ka aasra hai mujhe
mujh se sarzad gunah hone do

charkh par bijliyan si tadpengi
un ko garm nigah hone do

mera zimma agar dawa na bane
dard ko be-panah hone do

fitrat-e-ishq hai yahi 'jauhar'
din-o-duniya tabah hone do