husn teraa guruur meraa thaa
sach to ye hai qusuur meraa thaa

raat yuu.n tere khvaab se guzraa
ki badan chuur chuur meraa thaa

aa.ine me.n jamaal thaa teraa
tere chehre pe nuur meraa thaa

aa.nkh kii har zabaan par kal tak
bolne me.n ubuur meraa thaa

us kii baato.n me.n naam meraa na thaa
zikr bainassutuur meraa thaa

ek hii vaqt me.n jujuun-o-khirad
laa-shu.uur-o-shu.uur meraa thaa