jo chahte ho so kahte ho chup rahne ki lazzat kya jaano ye raaz-e-mohabbat hai pyare tum raaz-e-mohabbat kya jaano alfaz kahan se laun chhaale ki tapak ko samjhaun izhaar-e-mohabbat karte ho ehsas-e-mohabbat kya jaano kya husn ki bhik bhi hoti hai jab chutki chutki judti hai hum ahl-e-gharaz jaanen is ko tum sahab-e-daulat kya jaano hai farq bada ai jaan-e-'raza' dil dene mein dil lene mein ulfat ka talluq jaan ke bhi rishte ki nazakat kya jaano