jo zimmedariyan qismat ne mere sar rakh din
to phir nazakaten main ne utha ke ghar rakh din

tumhaare baad zamane mein aur kya dekhen
lo hum ne chehre se aankhen utar kar rakh din

phir aaj umr-e-guzishta ki yaad aai hai
phir apne mazi ki taswiren dekh kar rakh din

yaqin hoga hamein ab tumhaare hone ka
lo hum ne ungliyan jalte charagh par rakh din

chhupae baithi hun sine mein ek muddat se
wo baaten dil ki tere samne agar rakh din