kaam mein apne zuhur-e-haq hai aap
hazrat-e-adam ke to man thi na bap

un ko de kuchh, mat zarafat un se kar
le na ai nadan atiton ke sharap

hum tahi-dasti mein bhi kuchh kam nahin
hath mein raja ke ho sone ki chhap

aah-o-nale ka samajh tuk zer-o-bam
sakht mushkil in suron ki hai alap

har koi chahega apni maghfirat
hashr mein sab ko padegi aapa-dhap

'mushafi' mat us ke kuche se nikal
jab talak dam hai zamin tu wan ki nap