kuchh haqiqat to hua karti thi insanon mein wo bhi baqi nahin is daur ke insanon mein waqt ka sail baha le gaya sab kuchh warna pyar ke dher lage the mere gul-danon mein shakh se katne ka gham un ko bahut tha lekin phul majbur the hanste rahe gul-danon mein un ki pahchan ki qimat to ada karni thi jaanta hai koi apnon mein na beganon mein sar hi hum phodne jaen to kahan jaenge khokhle kanch ke but hain tere but-khanon mein