laga raha hun har ek dar pe aaina bazar
koi to dekhe sune dam bolta bazar

saja to khub hai ab ke naya naya bazar
zamana jaan to le kya hai zaiqa bazar

parae jaan ki qimat faqat nazara nahin
khudara band ho har din ka hadsa bazar

yahi to hota hai shishe ke karobar ka hashr
ujad gaya hai achanak hara-bhara bazar

shab-e-siyah se khaif hai yun meri diwar
saja ke baithi hai aangan mein sham ka bazar

bas ek tabassum-e-dil se kharid lije ise
jahan bhi jaiye is jaan ka hai khula bazar

phir apne shor ki qimat samajh sakega 'qaus'
na khwab dekh zara ja tahal ke aa bazar