main bahaar-e-dil-e-shair hun to ab sare gulab
khil uthenge meri bu se mere jaane ke baad

mere hone ki nahin qadr kabhi tu ne ki
tu mera nam nahin le mere jaane ke baad

wo jo hanste the mere haal pe kuchh din pahle
wo bhi be-sakhta roe mere jaane ke baad

jo kabhi bhi mere pahlu mein nahin baithe the
wo mere sog mein baithe mere jaane ke baad

muntazir jis ki rahi ek zamana 'maham'
wo bhi jab aae to aae mere jaane ke baad