masih-e-waqt sahi hum ko us se kya lena kabhi mile bhi to kuchh dard-e-dil badha lena hazar tark-e-wafa ka khayal ho lekin jo ru-ba-ru hon to badh kar gale laga lena kisi ko chot lage apne dil ko khun karna zamane bhar ke ghamon ko gale laga lena khumar tute to kaise ki hum ne sikh liya jo tu na ho to teri yaad se nasha lena safina dub bhi jae to gham nahin 'farigh' na bhul kar kabhi ehsan-e-nakhuda lena