nairangi-e-bahaar-o-khizan dekhte rahe hairat se hum tilism-e-jahan dekhte rahe pesh-e-nazar jahan ke rahi rahmat-e-khuda hum barhami-e-husn-e-butan dekhte rahe har gul hamari aql pe hansta raha magar hum fasl-e-gul mein rang-e-khizan dekhte rahe arz-e-niyaz-e-shauq ki achchhi mili ye dad hans kar wo mere ashk-e-rawan dekhte rahe tai kar gaya junun mera ek jast mein unhen hairat se mujh ko kaun-o-makan dekhte rahe