nasab ye hai ki wo dushman ko kam-nasab na kahe
ajab ye hai ki ye duniya use ajab na kahe

meri nigah junun mein ye baat bhul gai
ki kab kahe mere jazbaat aur kab na kahe

wo barhami ki jo ek dastan thi khatm hui
use kaho ki wo us se wo baat ab na kahe

wo be-zaban nahin hai to kam-nazar hoga
jo chashm o lab tere dekhe magar ghazab na kahe

use bhi hai mere jine ki aarzu 'shahpar'
sukun hai ki ye ashaar be-sabab na kahe