nazar mein dhul faza mein ghubar chaaron taraf zarur phailega ab intishaar chaaron taraf tujhe bhi wadi-e-hu ne qubul kar hi liya ab apne aap ko phir se pukar chaaron taraf chale bhi aao kahin kuchh guman to baqi rahe ki dhal rahi hai shab-e-intizar chaaron taraf samajh na paya koi dard bikhre lamhon ka ye sham phir se hui ashk-bar chaaron taraf tu ab ki bar na bach kar nikalne paega safar mein dekh tilismi hisar chaaron taraf yahan bahisht se aai hai ek sabz pari isi liye hai faza mein nikhaar chaaron taraf