rang ashkon ka badalne bhi nahin deta wo aur mujhe ghar se nikalne bhi nahin deta wo dasta rahta hai bahut meri ana ko pal-pal apni qurbat se nikalne bhi nahin deta wo zabt chehre ki tamazat se ayan hai lekin meri aankhon ko ubalne bhi nahin deta wo kaghaz-e-dil ko bhigota hai nae ashkon se phir ye kaghaz kabhi jalne bhi nahin deta wo bas daraata hai ki us rah pe phislan hai bahut ishq ki rah pe chalne bhi nahin deta wo chahta hai ki main gir jaun nazar se us ki is liye mujh ko sambhalne bhi nahin deta wo mere kirdar mein dhalta bhi nahin khud 'rahi' apne kirdar mein dhalne bhi nahin deta wo