sadaqat ki yahan izzat nahin hai
wafadari ki kuchh qimat nahin hai

jahan se wo gaya tha main wahin hun
magar jine mein wo lazzat nahin hai

zaban pe talkhiyan aankhon mein ghussa
magar kirdar mein khissat nahin hai

waqar apna nahin kotah lekin
tere rutbe si bhi qamat nahin hai

rahe mitti ki khushbu yaad har-dam
to sansen rokti ghurbat nahin hai

jahaalat mein pali duniya mein shayad
taqqul se badi neamat nahin hai

chala chal sar utha kar yar 'naqid'
lagi ab tak koi tohmat nahin hai