sayyal tasawwur hai ubalne ki tarah ka
ek aks se sau aks mein dhalne ki tarah ka

ab saneha-e-hijr-e-musalsal ka maza bhi
hai aatish-e-takhliq mein jalne ki tarah ka

sab qaid hua jata hai tangnae-ghazal mein
manzar pas-e-manzar hai badalne ki tarah ka

apni hi tarah ka hai qadam rah-e-talab mein
girne ki tarah ka na sambhalne ki tarah ka

samjho ki qarib aa gai irfan ki manzil
jine mein maza aae jo marne ki tarah ka

ye soch ke main gosha-e-dil wa nahin karta
us shokh ka milna hai bichhadne ki tarah ka

kuchh aaise hi mausam mein use aana tha shayad
hai mausam-e-dil phulne-phalne ki tarah ka

ye soch ke mein gosha-e-dil wa nahin karta
us shokh ka milna hai bichhadne ki tarah ka

kuchh aaise hi mausam mein use aana tha shayad
hai mausam-e-dil phulne-phalne ki tarah ka