shayad abhi hai rakh mein koi sharar bhi
kyun warna intizar bhi hai iztirar bhi

dhyan aa gaya tha marg-e-dil-e-na-murad ka
milne ko mil gaya hai sukun bhi qarar bhi

ab dhundne chale ho musafir ko dosto
had-e-nigah tak na raha jab ghubar bhi

har aastan pe nasiya farsa hain aaj wo
jo kal na kar sake the tera intizar bhi

ek rah ruk gai to thithuk kyun gain 'ada'
aabaad bastiyan hain pahadon ke par bhi