sirf kaghaz ke phul hote hain
log aankhon ki dhul hote hain

ye koi mod hai judai ka
wapsi ke usul hote hain

ek patthar se barha thokar
ye bharose bhi bhul hote hain

jab talak tum nazar nahin aate
sare mausam fuzul hote hain

dil sahifa hai ek mohabbat ka
aur chehre rasul hote hain

sare mukhlis hi aabdida hain
aap kyunkar malul hote hain

chand lamhe visal ke 'fauzi'
qurbaton ka husul hote hain