suraj uga to phul sa mahka hai kaun kaun ab dekhna yahi hai ki jaga hai kaun kaun bahar se apne rup ko pahchante hain sab bhitar se apne aap ko jaana hai kaun kaun lene ke sans yun to gunahgar hain sabhi ye dekhiye ki shahr mein zinda hai kaun kaun apna wajud yun to samete hue hain hum dekho in aandhiyon mein bikharta hai kaun kaun dawe to sab ke sun liye 'azar' magar ye dekh tare gagan se tod ke lata hai kaun kaun